ဘ၀ အဖော်များ

          အသက်အရွယ်ငယ်စဉ် ကျောင်းသားကျောင်းသူဘ၀မှာ ရည်းစားဖြစ်ကြတော့ သူက လည်း သိချင်သလို ကိုယ်ကလည်း မေးဘူးပါတယ်။

‘Will you still love me tomorrow ’ ဆိုတဲ့ မေးခွန်းလေး။
              ဗမာလိုလဲ နာမည်ကြီး သီချင်းရှိပါတယ်။ မူရင်းက အဆိုတော် နွဲ့ယဉ်ဝင်း သီဆိုခဲ့တဲ့ ‘သည်လိုပဲ မနက်ဖြန် ချစ်အုန်းမလား’ တဲ့။

ခဏခဏ မေးဘူးသလို ခဏခဏလဲ ဖြေဘူးပါတယ်။

သီချင်းခေါင်းစဉ်မှာပဲ အပြည့်အ၀ အဓိပ္ပါယ် ပါပြီးသား။

“မောင်က ပြောတော့ သိပ်ချစ်တယ်။

မေကလည်း မောင့်ကို အရမ်းချစ်တယ်။

သိပ် သိချင်လို့ နောက်ဆုံးတခေါက် ထပ်မေးဦးမယ်။

သည်လိုပဲ မနက်ဖြန် ချစ်အုန်းမလား ” …. တဲ့။ 

ဆယ်ကျော်သက် ဘ၀မှာတော့ အိုး … ကြိုက်လိုက်တဲ့ ဖြစ်ချင်း။

သီချင်းကိုလည်း ကြိုက်တယ်။ ကိုယ့်ရည်းစားကိုလည်း ကြိုက်တယ်။

အချစ်နဲ့ အကြိုက်ကို ခွဲမသိသေးတဲ့ အရွယ်ပါ။

သူ့ကို ကြိုက်တာကို ချစ်တယ် ထင်ခဲ့တယ်။

သူနဲ့ မတွေ့ရရင် လွမ်းတယ်။ သူ လာမတွေ့တာကို စိတ်တိုမိတယ်။ ဘာ့ကြောင့် တွေ့ကြဘို့ အဆင်မပြေတယ် မတွေးမိဘူး။ ထင်လိုက်တာက သူ ကိုယ့်ကို မချစ်လို့၊ ချစ်သင့်သလောက် မချစ်လို့ တွေ့ဘို့ ကျိုးစား သင့်သလောက် မကျိုးစားဘူးပေါ့။ ချစ်တယ်ဆိုရင် ချစ်သူအနား အမြဲ ရှိနေရမယ်၊ သူငယ်ချင်းတွေလည်း ခေါက်၊ ဘာညာ အားလုံး ခေါက်ပြီး ချစ်သူနဘေး ရှိနေဘို့ ကျိုးစားရမယ် ထင်ခဲ့တယ်လေ။

အချစ် သာလျှင် ကိုယ့်ရဲ့ ကမ္ဘာ၊ ချစ်သူသာလျှင် အမြဲ ကိုယ့်အနားမှာ ဆိုတာလို ကိုယ်ကလဲ သူ့ကမ္ဘာ၊ သူ့အနားမှာ အမြဲ ရှိနေချင်ခဲ့တယ်။

ကိုယ်လိုရာဆန္ဒ မပြည့်ဝရင် သူ ကိုယ့်ကို ချစ်သင့်သလောက် မချစ်လို့ မဖြည့်စွမ်းပေး တာပေါ့ … အပြစ်တင် စောခဲ့တယ်။ သူ့မှာ အကြောင်းကိစ္စ ကြီးငယ် ရှိမှာကို ထည့်မတွေးပဲ ကိုယ့် လိုဘ မပြည့်တိုင်း၊ ကိုယ့်အတွက် အဆင်မပြေတိုင်း သူ ကိုယ့်ကို ချစ်သင့်သလောက် မချစ်လို့ လို့ စွပ်စွဲခဲ့တယ်။ စိတ်ကောက်ခဲ့တယ်။ ရန်လုပ်ခဲ့တယ်။ ဒါကိုပဲ အချစ်လို့ ထင်ခဲ့တယ်။ အချစ်ဆိုတာ ပိုင်ဆိုင်၊ ရယူလိုခြင်းလို့ မှတ်ယူခဲ့တယ်။ ကိုယ့်ဆင်ခြေက သူ့ကို သိပ်ချစ်လွန်းလို့ ပြဿနာ ရှာခဲ့ မိတာ။ မချစ်ယင် သည်လို စိတ်ဆင်းရဲ မခံဘူး … ပေါ့။

ဒီလို ဒီလို တအားချစ်လို့ ဂျီကျခဲ့တာကို အပြစ် မြင်ရကောင်းလား မာနတွေ ခံ၊ မခေါ်မပြော၊ ရှောင် လိုက်တာ၊ ခဏခဏ ဂျီ အကျကောင်း၊ အရှောင်ကောင်းလို့ နောက်ဆုံး သူက ဂျောင်းသွား ပါလေရော။

ကဲ မရွှေတူးမာတို့ ပထမဆုံး အသဲကွဲခန်း။

ပထမအရွယ်၏ အသဲဝေဒနာ ဆိုရမလား။ 

          X                           X                           X                           X

မငို ပါဘူး။ ငိုဘို့ အချိန်လည်း မရခဲ့ဘူးလေ။ ဘာလို့ဆို အဲသည် အချိန်က နာမည်ကြီး သီချင်း နောက်တပုဒ် ရှိပါသေးသကော။

‘Before the next teardrop falls ’ ဆိုတာ။

အများ သူငါ ကြားဘူးကြ မှာပါ။ ဒါပေမယ့် တူးမာ ပြန် ခံစားချင်လို့၊ စာသားလေး နည်းနည်း ရေးမယ်နော်။ (စာသားက အမျိုးသား ဆိုတာနဲ့ အမျိုးသမီး ဆိုတာ နှစ်မျိုး ရှိတယ်။ အမျိုးသား ဆိုတာ ရေးမယ်။) 

If he brings you happiness
Then I wish you all the best
It's your happiness that matters most of all
But if he ever breaks your heart
If the teardrops ever start
I'll be there before the next teardrop falls

I'll be there anytime
You need me by your side
To drive away every teardrop that you cried 

And if he ever leaves you blue
Just remember, I love you
And I'll be there before the next teardrop falls 

အသဲကွဲရတဲ့ ကောင်မလေးတွေ နဘေးမှာ သည်လို မျက်ရည်သုတ်ပေးမယ့် အချစ် သူရဲကောင်းတွေ ရှိတတ်တယ်။ သူတို့ရဲ့ မွန်မြတ်တဲ့ အချစ်ကို လေးစားပါတယ်။ ဒါပေမယ့် စိတ်မကောင်းစရာက သူတို့ဟာ သူတို့ မျက်ရည် သုတ်ပေးလိုက်ရတဲ့ ကောင်မလေးတွေကို စိတ်နဲ့ လူနဲ့ ပုံမှန် မဟုတ်ချိန်မှာ တွေ့ခဲ့ကြရတာပါပဲ။

လူတယောက် စိတ် ထိခိုက် ၀မ်းနည်း နေချိန်မှာ တွယ်မိတွယ်ရာ အနီးမှာ ရှိသူကို တွယ်လိုက်မိတာ နှစ်ဦး စလုံး အတွက် မကောင်းပါဘူး။ အဆုံးသပ်မှာ အချစ် သူရဲကောင်း လေးတွေ အသဲ ကွဲရသလို အသဲကွဲ ဒဏ်ရာ အနာ ကျက်သွားတဲ့ ကောင်မလေးတွေလည်း   ဘ၀မှာ သူငယ်ချင်းကောင်း ဆုံးရှုံးသွားရ တတ်တယ်။

ဒါကြောင့် အချို့သူတွေ ရည်းစားကွဲကာစ အတွဲမရှာသလို၊ ရည်းစားကွဲကာစ လူကို    ဝေးဝေးက ရှောင်ကြတာ ဖြစ်သင့်တဲ့ အဖြစ်ပါ။

ဒါတွေကို ကြိုမသိ မမြင်ခဲ့မိတဲ့ တူးမာတို့ သူငယ်ချင်း နှစ်ယောက်ကတော့ ဆူးခင်း လမ်းကြီးကို ပန်းခယောင်းတော ထင်ပြီး ဇွတ်တိုးဝင်ခဲ့မိတယ်။

‘Before the next teardrop falls’ ဆိုတဲ့ သီချင်းကို ဗမာလို ပြန်ရေး ဆိုထားတာလည်း ကြားဘူးကြမယ် ထင်ပါတယ်။ စောစောက တပုဒ်လိုပဲ သီဆိုသူက နာမည်ကျော် နွဲ့ယဉ်ဝင်း ပါပဲ။ 

“လိုချင်ရင်လည်း တောင်းဘို့သင့်တယ်။ လူကြီးများကို ဖွင့်ပြောလို့၊

စီစဉ်လိုက်ပါလား၊ လွယ်လွယ်လေး၊ ဘာ .. ခက်နေသလဲ။

ဘိုဆန်ဆန် အ၀တ်အစား၊ အချိုး သိပ်မကျ။

ပုဆိုးနဲ့ တိုက်ပုံ ၀တ်စမ်းကွယ်၊ ကျွန်မ မိဘ၊ မြန်မာဟန် သဘောကျ၊ ရှင် စဉ်းစား။ ” … ဆိုတဲ့ ပုဆိုးနဲ့ တိုက်ပုံ ၀တ်လာခိုင်းတဲ့ သီချင်း။

နောက်ဆုံးတော့ သူကလဲ ပုဆိုးနဲ့ တိုက်ပုံ အ၀တ်ကောင်းတော့ တူးမာတို့ ညားကြ လေသတည်း ပေါ့။

ဒုတိယအရွယ်၏ ဘ၀ အဖြေလွှာ ဆိုကြပါစို့။ 

X                           X                           X                           X 

လူ့စိတ်ဆိုတာ အလွန် ဆန်းကြယ်ပါတယ်။ ပိုပြီး တိတိကျကျ ပြောရမယ်ဆိုရင် အချစ်စိတ် ဆိုတာ အလွန် ဆန်းကြယ်ပါတယ်။

အချစ်ဆိုတာကို အမျိုးမျိုး အထွေထွေ အဓိပ္ပါယ်တွေ ဖွင့်ဆို၊ သတ်မှတ် ဇာချဲ့နေကြပေမယ့် ဘယ်သူမှ တိတိကျကျ မသိကြဘူး ထင်တယ်။  

-             တချို့တွေက ပြောတော့ သူက ချစ်ချစ် မချစ်ချစ် ကိုယ်က ချစ်နေရတာ အချစ်တဲ့။

-             တချို့ကတော့ ပြောပြန်တယ်။ အချစ်မှာ အသွားအပြန် ရှိတယ်တဲ့။

-             နောက်တမျိုး ပြောကြတာက ချစ်ရင် ပိုင်ဆိုင်ချင်တယ်။ အခက်အခဲ အမျိုးမျိုး အကြားက မရ ရအောင်၊ နီးစပ်အောင်၊ ပေါင်းရအောင် လုပ်တာ အချစ်တဲ့။

-             တခါ အချစ်ဆိုတာ ခွင့်လွှတ်ခြင်းတဲ့။ ကိုယ့်ချစ်သူ ကောင်းစားဘို့ ဆိုရင် ကိုယ်သာ အနာခံပါ့မယ် ဆိုတာ အချစ်လို့ ပြောကြပြန်ရော။ 

ဘာတွေလဲ၊ ဘယ်လိုတွေလဲ။ ရအောင်ယူရမှာလား၊ အလျော့ပေး ရှောင်ထွက်ရမှာလား။ သူချစ်ကိုယ်ချစ် ဖြစ်ရမှာလား၊ တလမ်းမောင်းလို တဘက်သတ် ချစ်နေရမှာလား။ 

တူးမာကတော့ ပုဆိုးနဲ့ တိုက်ပုံရှင်ကလေးကို မချစ်ပါဘူး။ သူကလည်း သူ့ကို မချစ်တာ သိတယ်။ ဒါပေမယ့် နှစ်ဦး လက်တွဲကြတော့ နားမလည်နိုင်ကြတာက တူးမာတို့ ပတ်ဝန်းကျင် က အားလုံး။

‘မချစ်ပဲနဲ့ နင်တို့ ဘာလို့ ယူတာလဲ’ … မေးကြတယ်။

သည်အခါမှာ နှစ်ယောက်စလုံး ပြိုင်တူ ဖြေမိတာက ချစ်တာနဲ့ မေတ္တာ တခြားစီလို့။ ဖြေသာ ဖြေလိုက် ကြတယ်။ တကယ် ဟုတ် မဟုတ် နှစ်ယောက်စလုံး မသိ။ 

         အိမ်ထောင်ကျအပြီး မကြာခင်မှာ သူ အဝေးနယ် တရပ်တကျေးကို ထွက်သွားရတယ်။ မသွားချင်ပဲနဲ့ သွားရသူမို့ တူးမာလည်း မတားသာဘူး။  ဒါပေမယ့် စိတ်ထဲ သိလိုက်တာက တားခွင့် ရရင် တားချင်သား ဆိုတာ။

        မထင်မှတ်ပဲ နှစ်တွေ ကြာသွားတယ်။ အစကတော့ လပိုင်းလောက်ပဲ ခွဲရမယ် ထင်ခဲ့တာ အခုတော့ နှစ်တွေ ကြာညောင်း မနည်းမနော ပါ။ အခြေအနေပေးရင် သူက လူကြုံနဲ့ မှာတတ် တယ်။ သူ့ကို မစောင့်နဲ့ တဲ့။ သင့်တော်သူတွေ့ရင် အဖေါ်ရှာပါ။ သူ နားလည်ပါတယ် ဆိုတာ။ သူ ပြန်လာဘို့က မလွယ်သေးဘူး တဲ့လေ။ သည်တော့ နှစ်ယောက် ပြန်နီးဘို့က မရေရာသေးဘူး ပေါ့။

သူ့ကို မချစ်ဘူး ဆိုပေမယ့် အဲသည် စကား ကြားရတော့ တူးမာ ၀မ်းနည်းမိသား။ အခြေ အနေ အရ သူ စိတ်မပါပဲ ပြောလိုက်တယ် ဆိုတာ တူးမာ သိနေတယ်။ သည်လို စကားမျိုးကို ပြော လိုက်ရတဲ့ သူ့ကိုလည်း သနားတယ်။ တကယ်တော့ သူဟာ တူးမာကို ခွဲသွားချင်လို့ မဟုတ်ပါဘူး။ သူ့ဆန္ဒ အလျောက် အဝေးကို ထွက်သွားတာ မဟုတ်ပါဘူး။ အခြေအနေ အရ မဖြစ်သာလို့ ဆိုတာ တူးမာ သိပါတယ်။ ဖြစ်နိုင်ယင် သူ တူးမာ နဘေးကို အမြန်ဆုံး ပြန်လာ ချင်မှာပါ။

သည်တခါတော့ ချစ်တယ်ဆိုပြီး တူးမာနဘေး မရှိရကောင်းလား၊ ပြန်လာဘို့ မကျိုးစားရ ကောင်းလား စိတ် မကောက်မိ၊ ဂျီ မကျမိဘူး။ သူ့ကို မချစ်ဘူး ဆိုပေမယ့် တူးမာ သူ့ကို စောင့်နေ မိတယ်။ ရွှေလက် ကမ်း လာသူတွေ ရှိပေမယ့် သူ့ လက်ကြမ်းကြမ်းကြီးကို တမ်းတနေမိတယ်။ သူ့ကို တူးမာ မျှော်နေမိတာ နှစ်ပေါင်း မနည်းတော့ဘူး။

သည်တခါတော့ တတိယအရွယ်၏ ခံစားချက် ဒေသနာ ဆိုရမလား။

တကယ်တော့ ဒါဟာ မေတ္တာပါ။ သစ္စာ မဆိုခဲ့ပေမယ့် မေတ္တာရှိယင် သစ္စာဆိုတာ အလိုလို တွဲပါလာတာ သိပါပြီ။ အချစ်မှာ အသွား အပြန် ရှိ မရှိ မသေချာပေမယ့် မေတ္တာမှာတော့ အသွား အပြန်ရှိတာ သေချာ ပါတယ်။

သည်လိုပဲ မနက်ဖြန် ချစ်ဦးမယ့် ချစ်သူထက် ပုဆိုးနဲ့ တိုက်ပုံရှင်ကလေးကို မေတ္တာ ပိုခဲ့ မိတာ တူးမာ ကိုယ့်ဘာသာ ကျေနပ်နေမိတယ်။

လူသားတွေရဲ့ ဘ၀မှာ အဖေါ်အမျိုးမျိုး ရှိပါတယ်။

-       ကစားဖော်၊ အတန်းဖော်၊ တိုးတိုးဖော်။

-       သူငယ်ချင်း၊ အတွဲ၊ ရည်းစား၊ ချစ်သူ။

-       ရည်ရွယ်ထားသူ၊ စေ့စပ်ထားသူ ကနေ နောက်ဆုံး အိမ်ထောင်ဘက်ပေါ့။

အိမ်ထောင်ဘက် ဆိုတာမှာလည်း အချို့ အိမ်ထောင်ဘက်တွေဟာ အနာမခံပဲ သာတာ တွေ့ယင် ပစ်သွားတတ်လို့ အေးအတူ ပူအမျှ ဘ၀အတက်အကျကို အတူလက်တွဲ ရင်ဆိုင်မယ့်သူ တွေ့ဘို့လိုပါတယ်။

သည်လို ဘ၀အဖော် အိမ်ထောင်ဘက်မျိုးတွေကို လိုရင်း တိုရှင်း အမည် တပ်ရမယ် ဆိုယင် ပါရမီ ဖြည့်ဘက် ခေါ်ရလေမလား။

မေတ္တာရှိသူတိုင်း အပြန်အလှန် ပါရမီ ဖြည့်နိုင်ကြပါစေ။

 

(ဘ၀အဖော်များကို နှစ်ရှည်လများ သစ္စာရှိစွာ စောင့်နေခဲ့သော ၈၈မျိုးဆက် ပါရမီ ဖြည့်ဘက်များနှင့် အခြားသော ပါရမီဖြည့်ဘက်များကို ရည်ညွှန်း ဂုဏ်ပြုရေးသားပါသည်။)

လေးစားစွာဖြင့်၊

မာလုစံ

ဖေဖေါ်ဝါရီလ ၆ ရက်၊ ၂၀၁၂