အလုပ် လုပ်ဆဲ မိတ်ဆွေအချို့က မေးလာတယ်။ ပင်စင်ယူပြီး နေ့ရက်တွေကို ဘယ်လိုများ ဖြတ်သန်းနေသလဲ တဲ့။
သူတို့ ထင်တာက အလုပ်က အနားယူပြီးယင် ဘ၀ဟာ ဘာမှ စိတ်ဝင်စားစရာ မရှိ၊ နေ့ရက် တွေဟာ ပျင်းစရာကြီး။ တနေ့တနေ့ အိမ်ထဲမှာ၊ မဟုတ်လဲ ဆေးခန်းမှာ၊ တရားစခန်းမှာ လားပေါ့။
သည်တော့ မနာခင်၊ မသေခင် နေရတဲ့အချိန်လေးတွေ ဘယ်လိုများ ပျော်ရွှင်အောင် ဖန်တီး နေကြသလဲ၊ မေးကြတယ်။ သိချင်ကြတယ်။
ပျော်၊ မပျော်တော့ မသိ။ ကျွန်တော်တို့ ဖြတ်သန်းနေတဲ့ နေ့ရက်တွေထဲက တရက်ကို ဥပမာ ပြောပြပါမယ်။
တနေ့မှာ ကျွန်တော်နဲ့ ကျွန်တော့် မဟေသီကြီး မြို့ထဲ ဈေးဝယ် သွားကြတယ်။ ၀ယ်စရာက တခုထဲပါ။ ခေါင်းဆိုးဆေး။
သည်အရွယ်ကြီး ဆံပင်တွေ ဖြူနေတာ လူတိုင်း သိပေမယ့် သူက ဖုံးဖုံးဖိဖိလေး ညာချင် သေးတယ်။ ဆေးဆိုးချင် သေးတယ်။
ဝယ်နေကျ ဆိုင်မို့ ဆိုင်ထဲ ၀င်တာနဲ့ ဆေးဘူးထားတဲ့ နေရာ တန်းသွား၊ တဘူး ယူပြီး ပိုက်ဆံရှင်း။ နေ့လည်ခင်းမို့ ဆိုင်ကလဲ လူရှင်းနေတယ်လေ။ သည်တော့ ဆိုင်ထဲမှာ လွန်ရော ကျွံရော အကြာဆုံး ကြာလှ၊ ငါးမိနစ်ပေါ့။
ဆိုင်ထဲက ပြန်အထွက်၊ ဆိုင်ရှေ့မှာ ပုလိပ်တယောက် မျဉ်းအနီ ကား မရပ်ရတဲ့ နေရာမှာ ကား ရပ်ထားလို့ ဆိုပြီး ဒဏ်တပ်လက်မှတ် ရေးနေတာ တွေ့လိုက်ရတယ်။ ကျွန်တော်တို့ နှစ်ယောက် တယောက်မျက်နှာ တယောက်ကြည့်ပြီး သူ့နံဘေး အမြန် သွားလိုက်ကြတယ်။
“ဟာကွာ၊ မင်းတို့ကလဲ ကြည့်ကျက် လုပ်ကြပါဦးကွာ။ ဆိုင်ထဲမှာ ငါးမိနစ်တောင် မကြာဘူး။ ကိုယ်တို့ အဘိုးကြီး အဘွားကြီးတွေ နည်းနည်း သက်ညှာမှု ပေးဦးမှပေါ့”
သူက ဘာမှ ပြန်မပြောပဲ ရေးလက်စ ဒဏ်တပ်လက်မှတ်ကို ဆက် ရေးနေတယ်။
“ပြောနေတာ မကြားဘူးလား၊ လူစကား နားလည်ရဲ့လား။”
သူက ကျွန်တော့ကို တချက် မျက်လုံးဝေ့ကြည့်ပြီး ကားတာယာကို ငုံ့ကြည့်လိုက်တယ်။ ပြီးတော့ ပန်းပွန်းနေတဲ့ တာယာတွေမို့ အန္တရာယ်ရှိတယ် ဆိုပြီး ဒဏ်ကြေးစာရွက် နောက် တစောင် ရေးပြန်တယ်။
သည်မှာ သွေးဆူလွယ်တဲ့ ကျွန်တော့် မဟေသီက ‘မိမဆုံးမ ဘမဆုံးမ ကောင်ကလေး’ လို့ ၀င် ပြောလိုက်တယ်။
ရွှေပုလိပ်ကိုယ်တော် ဘာမှ ပြန်မပြော။ ဒုတိယလက်မှတ်ကို ပြီးအောင် ရေးပြီး ကားမှန်ပေါ် မှာ ရေသုတ်တံအောက်ကို ပထမ စာရွက်နဲ့အတူ ဖိညှပ်လိုက်တယ်။
“ဘယ်လို မအေ မိဘက မွေးဖွားလာသလဲ မသိဘူး။”
သည်မှာသူက ကားအနောက်ဘက်က မီးလုံးတွေသွားကြည့်ပြီး မီးလုံးတလုံး အက်နေတယ် ဆိုပြီး တတိယ ဒဏ်ကြေးတစောင် ရေးပြန်တယ်။
ကျွန်တော်နဲ့ မဟေသီကြီးက တယောက်တလှဲ့ နစ်နာအောင် ပြောလိုက်၊ သူက ကားကို လှည့်ပတ်ကြည့်ပြီး အပြစ်တွေ ရှာ၊ ဒဏ်ကြေးစာရွက်တွေ ရေးလိုက်နဲ့ မုန့်လုံးစက္ကူကပ် ဖြစ်နေတာ မိနစ် နှစ်ဆယ်လောက် ကြာသွားတယ်။
ကျွန်တော်တို့ သူ့ကို ချိုးချိုးဖဲ့ဖဲ့ ခေါ်စရာ နစ်နစ်နာနာ နာမည်တွေလဲ ကုန်ပြီ။ ခေါင်း နှစ်လုံး ပေါင်းတာတောင် ထပ် စဉ်းစားလို့ မရ။
သူကလဲ ကားတစင်းလုံး လှည့်ပတ်ပြီး အပြစ်တွေ ရှာ၊ ဒဏ်ကြေးစာတွေ ရေးလိုက်တာ ရှာစရာ အပြစ်လဲ ကုန်၊ စာရွက်လဲ ကုန်တော့မယ်။
အနီးအနားဘေးက လူတွေကလဲ စပ်စုသလို ၀ိုင်းကြည့်လာကြပြီ။
ကံကောင်းပေလို့။ အဲသည်မှာ ကျွန်တော်တို့ စီးရမယ့် ဘတ်စကား ရောက်လာပါတယ်။
ဒါနဲ့ သူ့ကို လက်ပြ နှုတ်ဆက်ပြီး မဟေသီကြီးကို ကားပေါ် တွန်းထိုးတင်၊ အိမ်ပြန် ခဲ့ကြတယ်။
မနာခင်၊ မသေခင်၊ အိုနေတဲ့ နေ့ရက်တွေမှာ ပျော်စရာကို ရှာတတ်ရပါတယ်။
ဘ၀မှာ
အဲဒါ အရေးကြီးပါတယ်။
(ဆီလျော်အောင် ဘာသာပြန်ထားပါသည်။)
(ဆီလျော်အောင် ဘာသာပြန်ထားပါသည်။)
No comments:
Post a Comment