‘မလွှဲမရှောင်သာ အို ဇရာ’

          မကြာသေးမီက စပြီး ကျွန်မမှာ ‘A.A.A.D.D’ ရောဂါ လက္ခဏာ တွေ ပြလာတယ်။ ရောဂါ အမည်ကတော့ ‘Age Activated Attention Deficit Disorder’ (အသက်အရ အမှတ်သညာ နုန့်နည်း လာသော ဝေဒနာ)

 

ရောဂါ လက္ခဏာတွေကတော့ သည်လိုပါ။        ။      

 

တမနက်ခင်း၊ ခြံထဲမှာ ရေ လောင်းဘို့ ကျွန်မ ဆုံးဖြတ်လိုက်တယ်။

ခြံထဲဆင်း၊ အိမ်နဘေးက ရေဘုံဘိုင်ကို ရေဖွင့်လိုက်ပြီး ရေပိုက်ကို ဆွဲမိချိန်မှာ ကျွန်မ မျက်စိ တွေက ကားဆီ ရောက်သွားတယ်။ ကား ရေဆေးဘို့ လိုနေပါ ပကောလား။

ဒါနဲ့ ရေပိုက်ကို အသာ ပြန်ချပြီး အိမ်ထဲ ၀င်၊ ကားသော့ယူလို့ ဂိုဒေါင်ဆီ လျှောက်လာခဲ့တယ်။ အိမ်ရှေ့ ပေါ်တီကိုအောက်က စားပွဲပေါ်မှာ မနက်က စာတိုက်ပုံးထဲက ထုတ်ယူခဲ့တဲ့ စာတွေ တွေ့ လိုက်တယ်။

ကား ရေ မဆေးခင် စာတွေ စစ်တဲ့ ကိစ္စကို အပြီးသတ်ဘို့ တွေးမိတယ်။

ဒါနဲ့  ကားသော့ကို စားပွဲအပေါ် အသာချ၊ အရေးမပါတဲ့ ကြော်ငြာစာလွှာတွေကို နဘေးက အမှိုက်ပုံးထဲ ထည့်လိုက်ချိန်မှာ အမှိုက်ပုံး ပြည့်နေတာ သတိပြုမိတယ်။

ဒီတော့ လက်ထဲက စာအိတ်တွေ အသာချပြီး ပြည့်နေတဲ့ အမှိုက်ပုံး အရင် သွားသွန်ဦးမှ ကောက်ယူမိတယ်။

ဒါပေမယ့် ကျွန်မ တွေးမိပြန်တာက အမှိုက်ပုံးကြီးဆီ အိမ်ဘေး ပတ်သွားဘို့က အိမ်ရှေ့က စာတိုက်ပုံး နဘေး ဖြတ်ရဦးမှာ။ သည်တော့ စာတွေ အရင် ဖတ်ပြီး စာပြန်စရာ ရှိတာတွေ ရေး၊ စာ ပြန်ပြီး တလက်စထဲ စာထည့်လိုက်ရင် ခရီး မသက်သာဘူးလား ပေါ့။

ဒါနဲ့ အမှိုက်ပုံး ပြန်ချ၊ စာတွေ ကောက်ယူပြီး အိမ်ထဲ မီးဖိုချောင်စားပွဲအံဆွဲထဲက စာရေးစက္ကူ ကပ်ကို သွားဆွဲ ယူလိုက်တယ်။ အဲ … စာရွက်က တရွက်ပဲ ကျန်ပါတော့ ကလား။

စာရေးစက္ကူအုပ် အသစ်တွေက စာဖတ်ခန်းထဲက စားပွဲမှာ။ ဒါနဲ့ စာဖတ်ခန်းထဲသွားပြီး စာရေးစက္ကူကပ် အသစ် သွားယူတော့ စားပွဲအပေါ်မှာ မနက်က သောက်လက်စ ကုတ် (Coke) ဘူးကို တွေ့လိုက်ရတယ်။

စာရေးစက္ကူကပ်အသစ် ယူဘို့ အံဆွဲကို ဆွဲဖွင့်ရင်း စားပွဲလှုပ်သွားရင် ဖွင့်ထားတဲ့ အအေးဘူး လဲကျပြီး အရည်တွေ မှောက်ကျနိုင်တာ ခေါင်းထဲ ၀င်လာတယ်။ သည်တော့ အအေးဘူးကို အရင် ဖယ်ဦးမှ …. ။

အအေးဘူးက မအေးတော့တာမို့ မော့လဲ မသောက်ချင်တော့။ လွှတ်ပစ်ဘို့ကလဲ နည်းနည်းပဲ သောက်ရသေး၊ ဘူး အပြည့်နီးပါး ကျန်သေး။ သည်တော့ ရေခဲသေတ္တာထဲ ခဏ ပြန်ထည့်ပြီး အေးမှ ဆက်သောက်မယ် ဆုံးဖြတ်မိတယ်။

မီးဖိုဘက်ကို အအေးဘူးလေး ကိုင်လျှောက်လာတုန်း မျက်လုံးက မီးဖိုချောင်ထဲ စားပွဲပေါ်က ပန်းအိုးလေးထဲ ရေနည်း နေတာ မြင်မိပြန်ရော … ။

ဆိုတော့ အအေးဘူးလေးကို မီးဖိုချောင်ထဲက စားပွဲပေါ်အသာတင်လိုက်ပြီး ပန်းအိုးကို လက် အကမ်းမှာ …. ကဲ တွေ့ပါပြီ။ ပန်းအိုးနဘေးမှာပေါ့ … ၊ ကျွန်မ တမနက်လုံး လိုက်ရှာနေရတဲ့ စာကြည့် မျက်မှန်။

မျက်မှန် ဘယ်နားချမိသလဲ ပြန်မမေ့ခင်မှာ စာကြည့်စားပွဲပေါ် ပြန်သွားထားမှလို့ ကိုယ့်ဘာသာ သတိ ပေးမိပေမယ့် ရောက်လက်စနဲ့ ပန်းအိုးကို အရင် ရေဖြည့်လိုက်မယ်လဲ တွေးနေမိတယ်။

မျက်မှန်ကလေးကို မီးဖိုစားပွဲပေါ် အသာ ပြန်ချပြီး ရေခရားကို ဆွဲထုတ်၊ ရေဖြည့်မိတယ်။ ရေခရားထဲ ရေဖြည့်ရင်းနဲ့ မျက်စိက တယ်လီဗီရှင်း ရီမုတ် (TV remote) ကို ရောက်သွားတယ်။

တီဗီ ရီမုတ်ကို မီးဖိုထဲက စားပွဲအပေါ် ဘယ်သူ မေ့ ချန်ခဲ့ပါလိမ့်။

သည်မှာ သတိပြုမိပြန်တာက သည်ည တီဗီ ကြည့်ရင် ကျွန်မတော့ သည် ရီမုတ်ကို လိုက်ရှာ နေရတော့မှာပဲ ဆိုတာ။ မီးဖိုထဲကစားပွဲပေါ်မှာ တင်ထားတယ် ဆိုတာ ညကျရင် ကျွန်မ သတိရ တော့မှာ မဟုတ်ဘူး။ ခေါင်းက ကောင်း တော့တာ မဟုတ်။ မှတ်ဥာဏ်က ခပ်ယဲ့ယဲ့ ကျန်တော့တာ။ သည်တော့ အခု တွေ့တုန်း နေရာတကျ တယ်လီဗီရှင်း ရှိရာ အခန်းထဲ သွားပြန်ထားမှ။ အဲ … ဒါပေမယ့် ပန်းအိုး ကိုတော့ ရေ အရင် ဖြည့်လိုက်ဦးမယ်။

လက်ထဲက ရေခရားထဲ ရေအပြည့်မှာ ပန်းအိုးကို ရေဖြည့်လိုက်ပါတယ်။ စိတ်က တီဗီ ရီမုတ်ဆီ ရောက်ရင်း ရေဖြည့်မိတာမို့ ခရားထဲ ရေက လိုတာထက် ပိုများသွားတယ်။ သည်တော့ ရေအပြည့် ခရားနဲ့ ပန်းအိုး ရေအဖြည့်မှာ ရေ အနည်းငယ် ကြမ်းပေါ် ဖိတ်ကျ ကုန်ပြန်တယ်။

ကဲ … မဖြစ်သေးဘူး။ မမေ့ခင် ကြမ်းပေါ်က ရေတွေ သုတ်ပစ်မှ၊ မဟုတ်ရင် တက်နင်းမိပြီး ချော်လဲဦးမယ်။ လက်ထဲက ရေခရားကို စားပွဲအပေါ် အသာ ပြန်ချ၊ ကြမ်းသုတ်ဘို့ အ၀တ်ကို သွားယူ၊ ကြမ်းပေါ် ဖိတ်စင်သွားတဲ့ ရေတွေ စင်အောင် သုတ်လိုက်တယ်။

ပြီးတော့ ရေစိုအ၀တ်ကို အခြောက်လှမ်းဘို့ အိမ်အနောက်ဘက် ခြံထဲ ထွက်လာရင်း သည် တမနက်လုံး ဘာ လုပ်မလို့ပါလိမ့် ပြန်တွေးမိတယ်။

 

တမနက်လုံး အချိန်သာ ကုန်သွားတယ်။ ဘာ လုပ်ဖြစ်သလဲ ဆိုတော့ -

-       ခြံထဲမှာလဲ ရေ မလောင်းဖြစ်ဘူး။

-       ကားကိုလဲ ရေ မဆေးဖြစ်ဘူး။

-       စာတွေလဲ အကုန် မဖတ်ဖြစ်ဘူး။

-       အမှိုက်ပုံးလေးလဲ အမှိုက်အပြည့်နဲ့ ရှိဆဲ။

-       စာပြန်စရာ ရှိတာတွေလဲ မပြန်ရသေး။

-       စာရေးစက္ကူကပ် အသစ်လဲ မထုတ်ဖြစ်။

-       အအေးဘူးကိုလဲ ရေခဲသေတ္တာထဲ ပြန် မထည့်ဖြစ်။

-       ပန်းအိုးကလဲ ရေ ထပ်ဖြည့်ဘို့ လိုသေးတယ်။

-       စာကြည့်မျက်မှန်ကလဲ ဘယ်နား ထားမိမှန်း မသိ။

-       ဒါနဲ့ ရှုပ်ပါတယ်၊ တီဗီပဲ ကြည့်တော့မယ် ဆိုတော့လဲ ရီမုတ်က ဘယ်မှာ မှ ရှာမတွေ့။

-       အပြင်သွားမလား ဆိုတော့လဲ ကားသော့ကို ဘယ်မှာ ထားမိတယ် သတိ မရ။

 

ဘာတွေ လုပ်ဖြစ်သလဲ စဉ်းစားရင်း ဘာမှ မလုပ်ဖြစ်သေးတာ တွေးမိတော့ ကိုယ့်ဘာသာ စိတ်က တိုလာတယ်။

ဘာဖြစ်လို့ စိတ်တိုတာလဲ ဆိုတော့ ကိုယ့်ဘာသာ သိနေတယ်လေ။ တမနက်လုံး အအေးလေး တငုံပဲ သောက် ရသေး၊ နေမပူခင် ခြံထဲ ရေ အရင်လောင်းလိုက်ဦးမှ ဆိုပြီး ကျွန်မ ခြံထဲ ဆင်းခဲ့တာ မဟုတ်လား။

အခုတော့ နေသာ မြင့်လာတယ်။ ဘာမှ အလုပ် မဖြစ်သေး၊ မလုပ်ရသေး။

ဟော … အိမ်နောက်ဖေး ခြံထဲ ရေတွေ လျှံနေပါကလား။ မိုးလဲ မရွာပဲနဲ့ ဘယ်က ရေ တွေ ရောက်လာတာလဲ။

ဒါနဲ့ ကြည့်တော့ ရေပိုက်ကနေ ရေတွေ တသွင်သွင် စီးကျနေတာ တွေ့ရတယ်။

ကျမှာပေါ့၊ ရေဘုံဘိုင်က ပွင့်နေတာကိုး။ ဘယ်သူ ပြန် မပိတ်ပဲ သည်အတိုင်း ဖွင့်လျက် ထား သွားတာလဲ … ။

တမနက်လုံး အိမ်မှာ ကိုယ်တယောက်တည်းမို့ ညကတည်းက ပွင့်နေတာလား။

ဒါဆို အိမ်က ကောင်လေး မနေ့က ကတည်းက ရေလောင်းပြီး ရေဘုံဘိုင် ပြန် မပိတ်သွားဘူး ပေါ့။ ပြောမိရင် ကိုယ့် အလွန် ဖြစ်ဦးမယ်။ အကောင်းပြောလဲ သူက ကြိုက်တာ မဟုတ်။ ပြောလိုက်မိတဲ့ ကိုယ့်ကိုပဲ အပြစ် ပြန်ပြောချင်သေး။

စိတ်တိုစွာ၊ တဖျစ်တောက်တောက် ရေရွတ်ပြီး လက်ထဲက ရေစို အ၀တ်ကို ပုခုန်းပေါ် လွှား တင်လို့ ကျွန်မ ရေဘုံဘိုင်ကို ပိတ်လိုက်ပါတယ်။

 

သည် မနက် ကျွန်မ လုပ်ဖြစ်ခဲ့တာကတော့ ရေဘုံဘိုင်ကို ဖွင့်ထားခဲ့ပြီး အခု ပြန် ပိတ်လိုက်တာ ပါပဲ။ (မယုံရင် စာအပေါ်ကို ပြန်တက်ပြီး အစကနေ ပြန်ဖတ်ပါ။)

 

          သည်စာကို ဆုံးအောင်ဖတ်သူများကို ကျေးဇူးတင်ပါတယ် …. ။


(ဆီလျော်အောင် ဘာသာပြန်ထားပါသည်။)